Turmush — Токтогул районунда Кызыл-Өзгөрүш айыл өкмөтүнүн башчысы болуп Калмурзаев Марат Сагынбекович дайындалды.
Аймактык кабарчы билдиргендей, өткөн апта жаңы айыл өкмөт башчыны эмгек жамаатка, айылдык кеңештин депутаттарына райондук мамлекеттик администрация башчысы Акылбек Тюкебаев тааныштырды.
Калмурзаев Марат Сагынбекович 1972-жылы 26-мартта Токтогул шаарында туулган. К.И.Скрябин атындагы Кыргыз улуттук агрардык университетинде зоотехния адистиги, Исхак Раззаков атындагы Кыргыз мамлекеттик техникалык университетинде ишканадагы экономика жана башкаруу адистиги боюнча билим алган.
Жеке ишкерлик менен алектенип, айылдык кеңештин депутаты болгон. Токтогул шаарынын мэри болуп да иштеген.
Үй-бүлөлүү, 2 уулдун атасы.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.