Бөлүмдөр
Бейшемби, 16-август
Жалал-Абад

Чычкан суусуна кулаган май ташуучу унаа: Токтогулда балыктар массалык түрдө кырылып жатат (толукталды)

Turmush -  Токтогул районунда балык чарбадагы балыктар массалык түрдө кырылып жатат. Бул маалыматты райондун акими Майорбек Сатымкулов тастыктап, учурда анын себептерин аныктоо боюнча териштирүү иштери жүрүп жатканын белгиледи.

«Токтогул районунун Жаңы-Жол айылында жеке ишкер Аманжан Бирбиевдин балык чарбасындагы балыктар массалык түрдө өлүп жатат. Балыктардын өлүүсүнө 21-январда Чычкан капчыгайында Ош—Бишкек жолунун 264-чакырымында болгон кырсык себеп болуп жатат. Май ташыган унаа сууга кулап, балыктарга зыянын тийгизген. Бүгүнкү күндө райондогу тиешелүү кызматтар менен биргеликте териштирүү иштери жүргүзүлүп жатат. Балык чарбасына келтирилген зыян юридикалык жактан каралып чыгат. Мындан сырткары кулаган унаанын ээси комиссиянын чечиминин негизинде районго чакыртылып жатат», - деди райондун башчысы.

Маалым болгондой, учурда 7 тоннага жакын балык кырылганы айтылууда.

Буга чейин маалымдалгандай, 21-январда саат 23:00 чамасында Ош—Бишкек жолунун 264-чакырымында май ташуучу унаа сууга кулап, 1 адам каза болгон (айдоочу) жана 2 адам ооруканага жеткирилген.

Ош—Бишкек жолунда Чычкан капчыгайына түшүп кеткен май ташуучу унаанын айдоочусу эмес, анын 1986-жылы туулган А.Н., аттуу жардамчысы каза болгон. Унаа Бишкек шаарынан Жалал-Абад шаары көздөй келе жаткан.

Жалал-Абад облустук жол кыймылынын коопсуздугун камсыздоо бөлүмүнөн алынган маалыматка караганда, алдын-ала божомолдоолорго караганда оор жүк ташуучу унаа чукул бурулуштан катуу ылдамдыкта бурулуп, жүк унааны сайды көздөй тартып кеткен. Бул боюнча автотехникалык экспертиза дайындалып, териштирүү иши жүрүп жатат. Кырсык орун алган жерде жол белгилери орнотулган болчу.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 8628
Комментарии
Для добавления комментария необходимо быть нашим подписчиком
Көп окулду
×