Бөлүмдөр
Дүйшөмбү, 22-октябрь
Жалал-Абад облусуТоктогул району 27.12.2017 14:01

Токтогулда стационардык пост жабылып, унаалар токтоп турат

Turmush -  Бишкек—Ош унаа жолунун 271-чакырымында бүгүн, 27-декабрда жол жабылып, азырынча ачыла элек. Бул маалыматты облустук Жол кыймылынын коопсуздугун камсыздоо бөлүмү тастыктады.

Маалыматка караганда, Токтогул районундагы стационардык пост саат 09:00 чамасында жабылып, унаалар токтоп турат.

«Төө-Ашууда аба ырайынын кескин өзгөрүшүнө байланыштуу жол убактылуу жабылды. Жүргүнчүлөрдү зарыл жумушу болбосо жолго чыкпай турууга, унаалардын жолдо жүрүүдөгү аралыктарын сактоого чакырабыз», - деп билдиришти облустук бөлүмдөн.

ӨКМдин Жалал-Абад облустук башкармалыгынан алынган маалыматка караганда, бүгүн таңкы саат 04:30 чамасында Ош—Бишкек жолунун 247-чакырымында кар көчкү түшүп, саат 07:00 чамасына чейин тазаланып ачылган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×